.... رحمتك يارب
اكتر حاجه ممكن تخجلنى من نفسى ان حد يعتزرلى
مبحبش ومبتحملش أصلا حد يقول أسف
حتى لو غلطان فيا .. كفايه كلمتين صُلح بيراضونى
و النيه الصادقه بتتحس و بتوصل على طول
لكن من عجب الدنيا دلوقتى .. انك تعتذر لحد .. فيرفض اعتذارك بمنتهى القسوه
و العجب الأكتر .. ان الحد ده هو اكتر حد بتنتظر منه كرم الُمسامحه
ده انت ساعات بسذاجه كده بتفكر انه اول ما هيشوفك رايح عنده
هيقولك كفايه انك جيتنى .. دى كبيره عندى
فلما تروحله فعلا تلاقيه بيدور وشه عنك ولا كانك كنت فى حياته يوم
يااااااااااااااه على القسوه
رحمتك بعبادك يارب
2 comments:
من يومين برضة كنت بفكر فى الموضوع دة .. كنت بفتكر موقف حصل معايا من 4 سنين مع واحد صاحبى .. انا مش فاكر انا عملت معاه ايه خلاه يزعل منى .. بس رحت اقوله , معلهش أنا آسف .. فقالى بمنتهى القسوة فعلا أنه مش قابل اعتذارى خالص وقالها بمنتهى الغلظة .. الموقف دة ضايقنى لدرجة لا تتصوريها .. ضايقنى للدرجة اللى مخليانى لسة فاكره لغاية النهاردة .. أصل الاعتذار وكلمة "أنا اسف" مش سهلين .. دول محتاجين فى أغلب الاحيان لطاقة جبارة .. فلما الواحد ييجى على نفسه , ويستجمع الطاقة الرهيبة دى عشان يقول أنا اسف , وفى الاخر يلاقى المردود دة من اللى قدمه بيضايق جداً .. ممكن يكون كان مضايق أو الواحد غلط فيه جامد بس برضة .. الاسف كلمة زى البلسم , المفروض يعقبها غفران ...
لكن لما بفكر شوية على فكرة بقول يمكن انا اكون مااخترتش الوقت المناسب , وجيتله فى وقت هو مضايق فيه أصلا أو يمكن أكون انا فعلا ضايقته كتير قبل كدة بشكل تانى , وعدم تقبله للأسف هو رد غير مباشر لدة ...
لكن على أى حال "عدم تقبل الاسف" مصيبة وقسوة ؛ لأنه بيمبرمج الناس على الاحجام أنهم يقولوا كلمة "اسف" لو غلطوا خوفاً من عدم تقبل اللى قدامهم للأسف
بس ممكن الواحد فى الحالات دى يستخدم أساليب مختلفة غير المواجهة المباشرة عشان يجبر اللى قدامه انه يسمعه ويتفهم شوية .. ممكن الواحد يستخدم رسالة مثلا .. رسالة كبيرة يكتب فيها كل حاجة عايز يقولها .. يكتب فيها اسفه فى الاخر ويبعتها له .. وهيكون ليها تأثير مختلف غير المواجهة المباشرة بالأسف اللى ممكن تحمل فى طياتها رفض الأعتذار بشكل يخلى الواحد يتألم لمدد طويلة
انا برضو لسه حاصلي حاجه شبه كدا من اسبوع تقريباً ...
واحد غلط فيا ..
المهم بعد يومين متتخيليش مروا عليا ازاي
...تلمستله اعذار انا مش مقتنع بيها
و قولتله انا ...اسف ..
و لكن للاسف رده كان بكل برود المهم تكون عرفت غلطك و كله شعور بالانتصار
:)
انا بأيد كلام مبرمج حر علي اخر فقرة
حوار الرساله ...
لان الموضوع بيجرح علطول في القلب و حب المرء لاخوانه
Post a Comment