اختيار تالت
ساعات بترسملك الدنيا دور فى لعبه بدون ما تاخد بالك ,, و مع الوقت بتدخل اللعبه فعلا
و تبدأ العبه تحلو بقى و تعجبك .. تبدأ فى الأول بهدوء .. خطوه خطوه .. نقله نقله
و شويه و تندمج أكتر
و من حلاوة اللعبه بقى بتنسى خالص - او تتناسى - ان فى مبدأ بديهى لكل لعبه
اسمه النهايه
و نهايه اللعبه يا مكسب يا خساره
WIN OR LOSE
و ده المتعب و المؤلم كمان
!! مفيش غير الاختيارين دول
ليه مفيش اختيار انا اكسب وانت تكسب
WIN .. WIN
مش عارفه .. لكن أنا مش حاسه انى عايزة اللعبه بتاعتى تنتهى
مين أصلا اللى افترض انى لازم هكون سعيده لما أكسب لوحدى ... أو لازم أقبل الخساره
لو النهايات دى هترضى غيرى فانا لا ... هفضل أدور على اختيار تالت..اختيار يقبل القسمه على أكتر من طرف و يسعد أكتر من طرف
4 comments:
السلام عليكم
في اختيار تالت
الا وهو التعادل
الله عليك يا محمد التعادل ..
هو حل مؤقت و لكن برضو لازم حيلعبو اضافي و حد يفوز لان الفوز و الخسارة هو الهدف من اللعبه اساساً ...
و حينتهي بأخد الخيارين مرة تانيه ...
لو تعادلو تاني ...حيلعبو تاني
:D
و هكذا
التعادل ليس نهايه اللعبه .. و لكن اعلان جديد باستمرار اللعبه
ايه الكلام اللي جاي من جوة أوي ده.. ومن أعمق الأعماق يعني
بصي هو ده فعلا مبدأ اي لعبه في الكون .. الحل إن لا أدخل اللعبة إلا لو أنا عارفة قواعدها من الأول وإلا ملعبش
وفي تصحيح كلمة win من غير e المكتوب قراتها واين يعني منكر معاذ الله
هههههههههههههه
سلامات يا جميلة
بس للاسف القواعد العامة في الكون كده
بعني المكسب مقابلة الخسارة
و الخير عكس الشر
و الجنة و النار
ليل و نهار
هو ده قانون الحياة
Post a Comment