الساعه 6 الصبح
أنا صاحيه ببكى من حلم ,, و مش مصدقه إنى أحلمه .. بجد مش مصدقه
معقول فى الآخر بيقولى "معلش عشان كل واحد فينا يشوف حياته" بيقول كدا ووشه مرتاح ومبتسم كمان ورايح لواحده تانيه كده ببساطه
أنا مخنوقه قوى قوى و ببكى جدا .. دى مش اول مره أحلم حلم ليه المعنى دا .. بعد كل اللى بينا نبقى قصه الناس تتحاكا عنها" حبو بعضن ... تركو بعض "
المصيبه إنى فى الحلم فضلت متماسكه لآخر لحظه عشان كرامتى بس - زى الحقيقه بالظبط- وعامله ولا هاممنى مع إنى كنت مخنوقه جدا, وصحيت من النوم عشان أبكى فى الحقيقه ... شوف لحد إيه
_________________________________
أنا كاتبه الكلام ده فى مدونتى الورقيه و نقلته هنا يمكن يلاقى شويه دعم نسائى من ناس مش عارفيني,عشان مش هقدر أحكى للى عارفينى
أنا كاتبه الكلام ده فى مدونتى الورقيه و نقلته هنا يمكن يلاقى شويه دعم نسائى من ناس مش عارفيني,عشان مش هقدر أحكى للى عارفينى
4 comments:
فهماكى وحاسة باللى جواكى
بس تعرفى والله الاصعب من كده بيعدى
فى البداية هتفضلى تتسائلى بيحبها ؟ معاها دلوقتى ؟ لاقى معاها ايه مش لاقيه معايا ؟ قصرت معاه فى ايه ؟
بعد وقت هتختفى تدريجيا الاسئلة دى وهتخرجى بره الاطار اللى انتى محبوسه فيه دلوقتى وهتلاقى الامور اوضح لكى
هتلاقى ان ده حصل علشان ربنا شايلك حاجه احسن مش شرط تكون حب
فى فترة مرت عليا - من حوالى 3 سنين - كان فيه حد بيحبنى اوى وبعدنا
اما احتجت للحب كنت مقتنعه ان مش هلاقى حد يحبنى زية ولا يهتم بيا زيه ولا اكون كل عالمه
بس الوقت اثبتلى العكس
لقيت اللى حبنى اكتر واللى اهتم اكتر ولقيت سعادة اكبر من اللى كانت معاه
حاولى بس بعد وقت تعرفى كان الخطأ فين فى قصتك لانه دايما بيكون مشترك
ولغاية مايجى الوقت ده خلى عندك ايمان بنفسك انك تستحقى الافضل
وربنا شايلك خير عنده
لانك فعلا تستحقيه
انتى ليه واخده الحلم جد اووى كده؟؟هو الحلم مبنى على واقع حقيقى؟؟ سيبى امورك كلها فى ايدين ربنا يدبرهالك وادعي...
سبحان الله إن الله يحب أن
يسأله العبد أن يصلح له شراك نعله، أفلا نسأله أن يفرج عنا كربا كهذا؟؟ استعيذى بالله من الشيطان الرجيم ومن الكابوس ده وقوليلى "يااااااااارب"، هو اللى فى ايده قلبه وقلبك وقلوب كل البشر يقلبها كيف يشاء وقولى اللهم الف بين قلوبنا"لو انفقت ما فى الأرض ما ألفت بين قلوبهم ولكن الله ألّف بينهم". هو العلييييييييييييييييييييييييييم. ربنا يمكر لكى ولا يمكر عليكى ويفرج كربك ويبعد عنك كل وأى حاجة وحشة. هونى عليكى.
عالمى أزرق ..صديقتى الافتراضيه
:)سمحت لنفسى أقولك صديقتى لأنى بجد بحس فيكى وفاء الصداقه,على الأقل لمدونتى
أنا مش عارفه كلامى اتفهم منه ايه بالظبط, بس هو كان حلم و بكلم على جوزى وهو مفيش فى حياته حد غيرى الحمدلله,على الأقل دلوقتى:)))
وجوزى فعلا هو الحاجه الكويسه اللى ربنا كان شايلهالى ..الحمدلله
بس أنا الى أتأثرت بالحلم,وبكيت فعلا ومش عارفه دا حصل عشان أنا بمر بفتره مش كويسه الأيام دى ولا دا تأثير انى كنت مخنوقه قوى و مسكت نفسى عن البكا فى الحلم عشان محدش يشوفنى فقمت أبكى لوحدى:)
وأخيرا ربنا يكرمك و يديكى كل السعاده و الفرحه اللى تتمنيها و أكتر يارب
anonymous...
أنا فعلا سايبه كل أمورى لله والحمدلله,لكن دا ميمنعش انى بتأثر بأى حلم وحش أشوفه حتى لو عن اى حد تانى بحبه..بابا أو ماما مثلا ... وطبعا اللهم آمييييييييين على دعائك,يارب استجب
تعليقك و دعائك ليا اسعدنى فعلا .. أشكرك:)
Post a Comment