هذا ما كتبته أمى

ماما ملهاش تفاعل ولا تواجد فى ساحه المدونات و لا الفيس ولا خلافه و حبت تكتب كلام يقراه مجتمع النت و المدونات و الفيس بوك .. فكتبت

بسم الله الرحمن الرحيم والصلاة والسلام على اشرف المرسلين

انا عايزة أعبرعن شعوري والألم والغصة اللى فى قلبى
وعايزة أقول للشباب والله عيب قوى أنتم المتعلمين الجامعيين المثقفين جيل النت,, أنتم تجاهلتم كلام ربنا فى كتابه العزيز "واعتصموا بحبل الله جميعا ولا تفرقوا "وتجاهلتم ايضا كلام ربكم" وأطيعوا الله والرسول وأولى الامر منكم"
وأيضا فى سورة الشورى "والذين استجابوا لربهم وأقاموا الصلاة وأمرهم شورى بينهم" يعنى ربنا سبحانه وتعالى أقر مبدأ الشورى ,, وأين أنتم من كلام رسولكم الذى لاينطق عن الهوى "ليس منا من لم يوقر كبيرنا ويرحم صغيرنا"
والحكمة اللى بتقول "التأنى من الرحمن والعجلة من الشيطان والبركة فى أكابركم"
والريس لما اتاخر على حضراتكم أيها الافاضل مكانش مجتمع مع الوزارة عشان يلعبوا شطرنج ,, ده مصير أمة يا حضرات وربنا كان قادر على خلق الدنيا فى اقل من لمح البصر ولكنه جل فى علاه اراد ان يعلمنا التأنى فى كل شى حضرتك يا اخ يا جامعى اوياختى الجامعية لو اردتم ارسال خطاب لاحد اصدقائكم بتعملوا مسودة مرة ومرات ويمكن تقطع الخطاب وترجع تعيده اكثر من مرة يا ريت تسنفروا الأكسدة اللى فى عقولكم اللى هى اغلى شى فى أجسادكم لان العقل هو اللى بيفرق بينا وبين الى 00000000 ,, وخليكوا عارفين ان اللى حرك فيكم الفتنة الوقتى بيضحك عليكم اتقوا الله لو كان الريس زى غيره بيحكم بالحديد وبيبيد بالدبابات مكنتوش انتم النهاردة فى الشوارع ايام وليالى مطمئنين على نفسكم
اللى حصل منكم بالتطاول على الريس ده كتير قوى من لم يشكر الناس لم يشكر الله وافتكروا حاجة واحد ة أنه قبل توليه الرياسة كان القائد الاعلى للقوات المسلحة وصاحب أول ضربة جوية وكان نائب الئيس انور السادات الله يرحمه
مين فيكم يا اللى لسة اولاد امبارح خدم بلده اكثر من ستين عاما ولم يعبأ حتى الان بتصرفاتكم ايها البغاة الخارجين على حاكمهم الحكيم الصبور صاحب الكلمة الشجاع الذى آثر الموت على ارض الوطن ولم يهرب من وطنه كما فعل اخرين بل أصرعلى المواجهة والحل وهذا ما فعله الكبير صاحب التصرف الحكيم انا نفسى اخاطب البغاة دول اللى خرجوا الى الشوارع مين اللى فهمكم ان الحرية هى التطاول وقلة الادب لو أن والدك أو والدتكم فُعل بهم مثل هذا التصرف كيف يكون الرد
اتقوا الله