Sunday, March 25, 2007

ربنا يطمنا عليك


قلقانه عليك قوى اليومين دول يا حبيبى
....
شايفاك بتضغط على نفسك قوى , و بتبذل مجهود زياده جداا
بتنام قليل و على طول بتفكر .. و مشغول البال ,, و مش
عاوز تحكى على سبب قلقك
كل شويه اتصل بيك بأى حجه عشان اطمن عليك ... تقولى انا بخير , لكن صوتك الهادى قوى بيقولى فى شئ شاغلك وتاعبك ... أنا متاكده من احساسى ... مش على طول تقولى انتى اكتر واحده بتحسى بيا ...
ربنا يروق بالك و يطمنا عليك

5 comments:

أحمد said...

يا ستى ربنا يخلى ليكى بابا و يروق بالك و يطمنك عليه

Eric Matt said...


آمين يا رب على دعاء المبرمج و أزيد عليه يا رب يرضى عنك و عن اخواتك يا رب

الأب و الأم ......

أثرت في الكثير بهذه التدوينة يا عنكبوتة يا صغيرة

يا ترى ماما وبابا عاملين ايه النهاردة؟ ولا امبارح؟ و لا بعد بكرة؟

ادعيلي

ربنا يكرمك يا رب

سلاااااام من ماناساس البلد

Great wishes said...

مبرمج حُر ..

اللهم آمين يارب ربنا يبارك فيك و يجازيك عنى الخير

The groom

انا عاجبنى قوى اسم العنكبوته الصغيرة ده .. متشكره قوى و ربنا يتقبل دعائك و يجازيك كل خير و يجمعك مع اهلك على خير يارب ..

بس ازاى بتسلم علينا من منساس البلد ..
مش المفروض السلامات تيجى دلوقتى من ستيرلينج البلد؟؟

بالتوفيق ان شاء الله

Anonymous said...

السلا م عليكم..ربنا يطمنك عليه يارب ومايحرمك منه..
البوست فيه حنان جميل يابنوته ..ان شاء الله خير

Eric Matt said...


انت عارفة

خلاص الاسم بقى بتاعك

انت عنكبوتتنا الصغيرة من الان و رايح

ادعيلي

صحيح مفيش بوست جديد في السكة؟

تحياتي من ماناساس البلد

لان قلبي لسه فيها حتى لو انا رحت ستيرلينج البلد يا عنكبوتة يا صغيرة

وكل سنة و انت طيبة

سلاااااااام