Wednesday, March 12, 2008

شكرا يارب


فى خيالى شكل بالونه, منفوخه و الوانها حلوة و مغريه للعب
وتيجى على اقل شكه دبوس يبقى بخخخخخ.....معتش فيه لا بالونه ولا لعب

اهوه الشكل ده ظهر فى خيالى وانا بفكر فى اى حاجه ممكن تسعدنا فى حياتنا ,بعد ما نتعب عليها - زى ما الطفل الصغير لما يتعب على نفخ البالونه - و نوصل للحظه اللى المفروض نشوف فيها اثار تعبنا ده ,,و تبقى الحاجه محلوه بجد و مفرحانا زى فرحه الطفل ده بالبالونه بالظبط

فتيجى حاجه – ولاحاجه - تافهه جدا ,,زى شكه الدبوس..تاخد منك البالونه و الفرحه
وتسيبلك هواااااا...ولومحظوظ زى حالاتى يبقى تسيبلك هوا وأفكار

زى ما تكون الافكار دى كانت مستخبيه جوه البالونه ..فانت لاهى عنها بالبالونه العسوله و هات يالعب
لكن انت محتاج تشوف فقاقيع الافكار دى .. لازم تفهمها .. فربنا يبعتلك شكه الدبوس دى
وتلاقى نفسك بتقول الحمدلله و شكرا يارب
الحمدلله انه مكان البالونه فيه أفكار مش هوا بس
وكونى بقول الحمدلله ,, فدى كمان نعمه تستحق الشكر

6 comments:

MarwaAshraf said...

إنت حلوة أوي .. وتفكيرك رائع

ربنا يكرمك ويسعدك وينور عقلك ويتقبل منك ويفكرك دايما تقولي الحمد لله يلا قولي أمين

mohand said...

الحمد لله في كل وقت

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Smartphone, I hope you enjoy. The address is http://smartphone-brasil.blogspot.com. A hug.

حسن أمين said...

خير الدعاء : الحمد لله
عذبة جدا التدوينة دي ..رحت معاكي .. عندك قدرة تصويرية عالية
تحياتي للمدونة الجميلة

mohand said...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي


فينك مش باينه ليه ؟

Eric Matt said...


يا رب تكوني بخير

ويا رب بابا وكلكم تكونوا بخير

تحياتي