Saturday, April 28, 2007

يا دبله مُـــــــــــــنى عقبالنا كُلنا




و النهارده وصلنى خبر لطالما انتظرته - معلش يا منى مشيها لطالما - مُنى بتتخطب يا ناااااااااااااااس ... الف مبروك يا حبيبتى .... كان نفسى ابقى موجوده فى قلب الحدث دلوقتى , لكن معلش, مفيش نصيب فى الخطوبه الحق الفرح باذن الله , و ان اتسربعتى كالعاده و ملحقتش الفرح ابقى الحق اول عيل و امرى لله
بجد مبسوطه قوى .. مبتسمه من ساعه ما عرفت و وانا بكتب ,, وبتخيلك دلوقتى و انتى برده قلقانه كالعاده بتجهزى و بترتبى لكل حاجه و بتفكرى فى كل تفصيله .. و منى و التوتر بقى ... ولو انه مفيش داعى للقلق دلوقتى ,, اى حاجه تشغلك , ابعتى عند كريم - مساء الخييييير يا كريم - بضحك طبعا
مش عارفه أقول ايه كمان يعبرعن فرحتى , بس انتى أكيد عارفه .. بدعيلك ربنا يسعدك و يوفقك فى حياتك اللى
جايه .. اللهم آمين
____________________
ملحوظه صغيرة: النهارده ده كان امبارح بس مرديتش ارفع البوست الا ما تكونى موجوده و تشوفيه .. دلوقتى بقى نقدر نحتفل و سمعنى أحلى صدى صوت ....لولولولوللولولىىىىىىىىىى ... مبروووووووووووووك

7 comments:

قضية عم أحمد Ahmed Case said...

مش عارف اقول حاجه زلى لا
بس خلينا اختفل معاكي بأي حد فرحان واقول لمنى الف مبروك وربنا يسعدك يارب وعقبال الغلابة اللى زي حلاتي

Great wishes said...

انا مفهمتش انت بتستأذن تقول حاجه ولا لا؟؟؟
طبعا تقول و تحتفل زى ما تحب .. و ربنا يفرحك قريب باذن الله و نيجى نحتفل فى مدونتك الجميله

Eric Matt said...


بارك الله لهما وبارك عليهما و جمع بينهما في خير

جزاك الله خيرا على البوست السعيد

تحياتي لك من ماناساس البلد وعقبالنا يااااا راااااااااب

moony said...

بجد يامينو ربنا يسعدك ويفرح قلبك
ويديم عليكى صفاء روحك ده ياااااااااارب المرة الجاية اكون ببارك لك وتباركيلى برضه مفيش مشاكل يعنى
وحشتييييييييينى

حصان بري said...

الف الف مبروك يا مني

مني مين؟

بارك الله لهما وبارك عليهما وجمع بينهما في خير

وعقبالك ياست مينو
لذيذ اسم مينو علي فكره
تحياتي وتمنياتي لكي بعريس سقع

أخف دم said...

ما انا عشان أقول ألف مبروك لمنى يبقى لازم اعرف منى الأول.. ولو عرفت منى يبقى لازم اعرف خطيبها عشان أقولله هوه كمان.. ولو عرفته يبقى لازم أعرف هما عرفوا بعض ازاى عشان حتى نجاملهم بقصيدة شعر عاطفى وللا حاجة .. ولو عرفت يبقى لازم اعرف بيت العروسة فين عشان على الأقل نروح نعمل الواجب .. ولو عرفت يبقى لازم أعرف العريس منين عشان أعرف هما قرايب يعنى وللا عرفوا بعض من برة .. ولو عرفت ...... يادى النيلة
باقوللك إيه ... ألف مبروك لمنى ..
أنا مش هانام كده

ShAb 3AdY said...

الف مبروك لمُنى

بارك الله لهما وبارك عليهما و جمع بينهما في خير